Кеше балабақшамызда жүрек жылуына, шаттыққа толы керемет күн өтті!
Әкелер мен балалары бір үстел басына жайғасып, кәдімгі гүл құмыраларын қиялдарына қанат бітіріп, әсем бояулармен безендірді. Көз алдымызда жай құмыра емес – махаббатпен боялған кішкентай өнер туындылары дүниеге келді!
⠀
Әр бала өз құмырасына топырақ салып, гүл отырғызды. Сол сәттегі баланың көзіндегі қуаныш пен әкесінің мейірімге толы жанары – ештеңеге айырбасталмас қымбат сәттер еді.
⠀
Бұдан кейін бірігіп ағаштан гүл сөрелерін жасадық! Әкелер балға мен шеге ұстап, балаларымен иықтаса еңбек етті. Осылайша тек сөре ғана емес – жүрекке естелік боп жазылатын ерекше байланыс та құрылды.
⠀
Бұл күннің басты мақсаты – әке мен бала арасындағы сүйіспеншілік пен сенімге негізделген байланысты нығайту болатын.
⠀
Осындай жылы естеліктер баланың жүрегінде өмір бойы сақталып, әке — қамқор дос, ақылшы тұлға екенін терең сезіндіреді.